ពូល E
CSKA Moscow v Bayern Munich - 11 យប់
ក្រុម Bayern បានផ្តួល CSKA ទាំងក្នុងផ្ទះ និងក្រៅផ្ទះក្នុងវគ្គចែកពូលនៃក្របខ័ណ្ឌ Champions League កាលពីរដូវកាលមុន ហើយក្តីសង្ឃឹមរបស់ក្រុមម្ចាស់ជើងឯករុស្ស៊ីមួយនេះក្នុងការទទួល បានលទ្ធផលល្អប្រសើរនៅពេលនេះ ហាក់មិនស្ថិតក្នុងភាពល្អប្រសើរឡើយ ខណៈពួកគេនឹងត្រូវលេងក្នុងទីលានបិទជិតនៅឯកីឡដ្ឋាន Arena Khimki។
Manchester City v Roma - 1:45 ទៀបភ្លឺ
ក្រោយពីបណ្តោយឲ្យមានគ្រាប់បញ្ចូលទីនៅជិតបញ្ចប់ការប្រកួត ដើម្បីទទួលបរាជ័យ ១-០ ក្រោមស្នាដៃក្រុម Bayern ក្នុងការប្រកួតបើកឆាកនៃពូលរបស់ពួកគេ ការជួបក្រុមភ្ញៀវ Roma គឺជាការប្រកួតដែលត្រូវតែឈ្នះជាដាច់ខាតសម្រាប់ក្រុមម្ចាស់ ជើងឯកអង់គ្លេសរបស់លោក Manuel Pellegrini។
ពូល F
APOEL V Ajax-1:45ទៀបភ្លឺ
ក្រុមម្ចាស់ជើងឯករបស់ស៊ីប APOEL បានទទួលនូវការកោតសរសើរយ៉ាងខ្លាំងទៅលើទម្រង់លេងរបស់ពួកគេ ក្នុងពេលចាញ់ក្រុម ១-០ នៅកីឡដ្ឋាន Camp Nou ក្នុងការប្រកួតបើកឆាកនៃពូល F របស់ពួកគេ ប៉ុន្តែ ប្រសិនបើពួកគេចង់បង្ហាញការអភិវឌ្ឍឆ្ពោះទៅមុខ ពួកគេចាំបាច់ត្រូវតែផ្តួលAjax ក្នុងទីក្រុង Nicosia។
Paris SG v Bacelona - 1:45 ទៀបភ្លឺ
កីឡដ្ឋាន Parc des Princes នឹងក្លាយជាទីកន្លែងសម្រាប់ការប្រកួតដ៏អស្ចារ្យរវាងក្រុមម្ចាស់ ជើងឯកបារាំង និងក្រុម Barcelona របស់លោក Luis Enrique។ ក្រុមទាំងពីរធ្លាប់បានជួបគ្នាក្នុងវគ្គ១/៤ផ្តាច់ព្រ័ត្រកាលពី រយៈពេល១៨ខែកន្លងទៅ នៅពេលនោះក្រុម PSG បានធ្វើឲ្យគូប្រជែងដ៏ខ្លាំងរបស់ពួកគេបញ្ចប់ក្នុងលទ្ធផលស្មើ ទាំងពីរជើង ប៉ុន្តែ បានចាញ់គ្រាប់បាល់ក្រៅទឹកដី។
ពូល G
Schalke 04 v Maribor - 1:45 ទៀបភ្លឺ
Schalke បានទទួលលទ្ធផលស្មើនៅលើទឹកដីក្រុម Chelsea នៅថ្ងៃបើកឆាក ហើយគួរតែស្រេកឃ្លានក្នុងការបង្កើតឱកាសរបស់ខ្លួនក្នុងការឈាន ទៅវគ្គ១៦ក្រុមចុងក្រោយពីពូល G ខណៈដែលពួកគេត្រៀមធ្វើជាម្ចាស់ផ្ទះទទួលក្រុមម្ចាស់ជើងឯកស្លូ វ៉េនី Maribor ក្នុងទីក្រុង Gelsenkirchen។
Sporting v Chelsea - 1:45 ទៀបភ្លឺ
ក្រុម Chelsea នៅតែមិនទាន់ស្គាល់បរាជ័យទេនៅរដូវកាលនេះ ប៉ុន្តែ បើទោះបីក្រុមរបស់លោក Jose Mourinho បានបង្ហាញពីទម្រង់លេងដ៏មុតស្រួចក្នុងក្របខ័ណ្ឌ Premier League ក៏ដោយ ពួកគេបានបញ្ចប់ត្រឹមលទ្ធផលស្មើ ១-១ នៅពេលជួបក្រុម Schalke ក្នុងការប្រកួតបើកឆាកពូល G។
ពូល H
BATE Borisov v Athletic Bilbao - 1:45 ទៀបភ្លឺ
ក្រុម Athletic នឹងស្រេកឃ្លានក្នុងការវិលទៅកាន់ជ័យជម្នះវិញនៅពេលពួកគេធ្វើ ដំណើរទៅប្រកួតនៅកីឡដ្ឋានថ្មី Borisov Arena របស់ក្រុម BATE ក្នុងក្របខ័ណ្ឌ Champions League វគ្គចែកពូល។
Shakhtar Donetsk v FC Porto - 1:45 ទៀបភ្លឺ
កេរ្តិ៍ឈ្មោះរបស់ក្រុម Shakhtar ក្នុងនាមជាក្រុមដ៏ខ្លាំងមួយក្នុងទ្វីបអឺរ៉ុប ត្រូវបានកម្ទេចដោយសារតែជម្លោះបង្ហូរឈាមដែលបន្តផ្ទុះឡើងជុំ វិញទឹកដីរបស់ពួកគេក្នុងទីក្រុង Donetsk នៅភាគខាងកើតអ៊ុយក្រែន។ កីឡដ្ឋាន Donbass Arena របស់គេកាលពីខែមុនត្រូវបានកម្ទេចដោយគ្រាប់កាំភ្លើងធំ ហើយបច្ចុប្បន្ន ពួកគេនឹងត្រូវផ្តោតចំពោះការប្រកួតជាមួយនឹង Porto ក្នុងទីក្រុង Lviv ដែលមានចម្ងាយ១ពាន់ម៉ែត្រនៅភាគខាងលិចនៃប្រទេសនេះ៕
Comments
Post a Comment